老人家話: 從錯誤中學習, 亦不要重蹈複撤!   

今回我真的得了大教訓!    

星期二上午十點十幾分, 天文台由八號風球改掛三號, 亦即係話打工仔要返工啦!!   颱風過後, 天雨路滑...   為了不被地上的雨水弄濕, 我刻意選了裙褲, 再如常穿了一雙高跟鞋返工...  去地鐵站途中, 要行落一條幾長的樓梯..   已經是"慢動作"了...   一個不留神...  

在樓梯"P-K"!!  

好彩無滾落樓梯, 又無屈親手腳咁啦...   不過,膝頭損晒...   當日, 膝頭的血直流..  好誇張!   在地鐵, 已貼了一張藥水膠布, 但還要不停用紙巾抹去流血..   幾尷尬, 又幾麻煩..    返到公司, 又無大塊膠布, 只好用三張膠布平排貼!   

依家行步路都痛, 又驚阻礙傷口復原..始終是膝蓋, 大動作的話會持續流血的嘛...      今日見到仲有血水又有癑, 還是去了醫務所一趟..   醫生就專業地替我洗了個傷口, 又幫我打破傷風針添! 

事實上, 近月都有間中落雨...   早在上個星期, 在同一個樓梯, 穿上同一對高跟鞋, 我已經跌倒過一次..   不過, 上次穿著長褲, 多少少保護, 亦沒有大傷...   

所以話, 得了教訓就要學乖了~~~